فلنبدأها على بركة الله حملة (( زواجُنا عائلي وفرحٌنا إسلامي ))

[الراقي]

اليوم اللي معه والله مغنيه ..
تقول كيفه هذا قادر ..
بس المشكله بأن اللي مامعه واللي على قده هو اللي يضرب بالمليان وكله أسلاف بإسلاف وديون ..
يعني لو الواحد يفكر ويدرسها صح كان مافيه أحد شكى من هم العرس ..!!

[حمودالسليمان]

قصة

سبق قبل خمسون عاماً تقريباً أن صارت ضيفة كبيرة عند أحد الأغنياء في حايل لم يسبقه أحد قبله في مثلها ، حيث دعا المصلين من خمسة مساجد ، ولمّا حضروا لمنزله لاحظ أحد المشايخ وهو الشبخ حمود الحسين الشغدلي رحمه الله أن هذا العمل يكلف على أهل حايل وخاصة الفقير منهم وأنه إسراف ويعجز المسلمين الإستمرار عليه فتبقى النساء عوانس ويبقى الرجال عزاب بسبب هذا البذخ والتفاخر 0
فقرر هذا الشيخ الفاضل رحمه الله بنفسه أن يضع حداً لهذا
ولمّا تقدم المدعوون لتناول طعام العشاء وقف أمامهم وقال : ـ
من اليوم ولاحقاً على جميع أهالي منطقة حايل وقراها وهجرها وحاضرتها وباديتها ومن صارت عنده ضيفة أياً كان سببها أن لايدعوا المُضيّف إلا المصلين في مسجد الحارة فقط ومن ذكر لنا بأنه حضر لذلك الضيفة من غيرهم فسوف يعاب عليه ذلك عند جميع المنطقة 0
بعد ذلك سلكوا الناس نصيحته الشيخ حمود الحسين الشغدلي رحمه الله ولم يأتينا هذا التبذير إلاّ لمّا فقد مثل هذا الشيخ في مجتمعنا 0

[بيض النوايا]

والله ونعم الموضوع ونعم الرااي..

انقل لكم تجربه احد الاشخااص مع العلم انه ابن شخص مقتدر ومعرووف على مستوى مدينته ودكتور باحد جامعات المملكه ..

المهم زوااجه عاائلي عدد الحضور عند الرجال 280 وعدد الحضور عند النساء 200
وتكلف بالقصر يعني القصر كل شيء عليه
ماعدا الذباايح عند الرجال 5 فقط والله العظيم..
والنساء بوفيه وميز ..
ولا المهر كان 30 الف رجعو اهل العروس 5 الاف ورفضو العريس
والحمد لله رغم انهم نااس مقتدره مااشاءالله الا ان زوااجهم رااااااائع مااتكلفوو قالو اهم شيء التوفيق والبركه..
بصرااحه يااجمااعة الخير التبذير كله عندناا يااهل الشمال للاسف ..
همنا كلام الناااااس
النااس لو ايش تقدم لهم مااايعجبهم ذاامين ذاامين ..

ان شاء الله بزوااجي لو لي راااي ابيه عاائلي وحضورمحدود للحباايب والاقاارب وبس ..
ماله دااعي كل من هب ودب يحضر والله بعض الافرااح يحضروو الحريم ويتظااحمو على افرااح ماايعرفو لمين لو تسالها عن اهل الفرح تقول ماادري خالتي نعزومه وبروح معاها كذا بلاادعوه !!!!!!



نعم للزواج العائلي البسيط الميسر للطرفين .
لان الحياة صعبه والظروف المعيشيه مرهقه للشاب ..
وبعدين وين دور المشاايخ وائمه المسااجد وشيوخ القباائل في تسهيل امور الزواج وحث النااس على اليسر وتزويج الشاب المتقدم بدون شروط مكلفه ..

الله يغني الجميع بوااسع فضله .
ولاحول ولاقوة إلا بالله..

[ستل جناحة]

كثر الله من أمثالك ... كلام سليم ...... موظوع يستحق النقاش بجدية

بمان الله .......

[A2A]

اقتراح مبارك جزاك الله خير

[نوري اجهرهم]

مشكور اخوي ع هذه الحمله اللي انا من جد اايدها
تصدق انا طلبت من خطيبي انو نسوي زواج عائلي ونوفر مصاريف الزواج العامي لنا ولبيتنا وسفرنا رفض قال وش بيقولون عنا الناس بخيلين وحتى ابوي قال لابوه ان البنت واهله ماعندهم مانع انو تختصرون الزواج بيننا ويكون بااحد الاستراحات لاكن هم ماايدونا الفكره وقالو حنا قادرين ع المصاريف وبعد الزواج تفااجات بان زوجي عليه قروض وديون والحين انا وياه طايحين فيها مانفعونا هالناس هو بالرياض وانا اقعد بحايل وكل بعد اسبوعين يجيني يومين ومو قادر حتى يااخذ لي شقه لاشهريه ولا سنويه لان راتبه مايكفي ابدا والسبب ديون الزواج لا وبعد الراتب يخلص باول اسبوعين من استلامه يعني مادري وش نستفيد لاكبرنا الزواج وعزمنا كل من هب ودب والله مايطيح فيها الا الزوجين بعد زواجهم من هالديون..

[الساري الليل]

الشكر كل الشكر لكل مرئياتكم ومقترحاتكم0000

[عارف المسطح]

يابن الحلال مصريه بخمسه الآلف ريال وتجيبها معك ونتهى الموضوع ...

[العطيـب]

كلام سليم

لكن مين يطبق

قد أسمعت لو ناديت حيا
ولكن لا حياة لمن تنادي


جرب واخطب أي بنت بحائل وقول لهم أبي زواج عائلي

احتمال يطردونك طرد ههههه

قالو قصر وعندهم معازم قلنا مايخالف بس انا ماقهرني الا الطقاقه 10 آلآف ريال ههه ليش

معك 100 ألف تقدر تعرس

ما معك أقضب الباب