السلام عليكم ورحمة الله وبركاته

اخواني زوار واعضاء ملتقيات فضـا الكرام

اسعد الله مساءكم بكل خير .

يسرني ان اعرض لكم محاولتي المتواضعه لمجاراة قصيدة الشاعر ناصر القحطاني
( سلم على حايل وسلم على شمّر ) ،آملاً ان تنال على رضاكم واعجابكم ..وقد خصيت هذا المنتدى بهذه القصيدة نظرا لمكانته في نفسي واعتذر عن أي خطأ او تقصير..

ثار اليراع* وخف بالطرس* مـدراجه = يـملي مشاعـر تـفيض وفـيضها غمّر
تلـفي لقـرمٍ كـواكب سـيرته راجـــه = شـعـّـت خيوط الطيب للطيب هو عمّر
قـطـــــب اسـتدار الطيب يمه ولوهاجه= بوقـت السـّحر نورٍ تعـلاّ وماء نمـّــر*
العــيـن قــرّة بالــوداعــه ومنهـاجـه = ورياح جــودك لـجوري ودّنا حــمـّــر
النحـل خـلّـى رحيق زهور لانـتاجه = وخذا رحيقه من زهورك ولا ضمّـــر
نسيم حايل حكى لحاتم عن الحاجه = ما ستغرب المضمون قحطان هم شمّر
أجا وسـلمى وطعـس النـّفد وحجاجه = هـلـّت وطيـــر البر حيـا بـك وزمّـــر
الناس فـيهم كـما البـحرين بـمراجـه = مـلحٍ أجـاج وعـذب فـيـه النـّبـا ثـمّـر
بفرات عذبك تحـلـّت شربة الزاجه = تشكر من الطفل إلين الشايب المعمّر
يفـداك هــيسٍ دروب العـز ما داجـه = لـو هـام يبنـي مقامه صار متدمـــّر
كثـيـر فـي نـومه ولاقـام بإزعاجه = ما درك عشاه وخاب عن طاير الحمـّر
شـمـر و حـايل لكـم بالـذكر لهّـاجــه = الــدار دارك ودورك بـس تـتأمـّـــر

شعـر
حمود بن ابراهيم الضبعان

____________
* اليراع: القلم
*الطرس: الورق
*نمر : تزكى

 

 

 

[برايفت]

وخالد عبد الرحمن ... ليش ما له ذكر !!!

ما أعرفه بأن المطرب خالد ... أخته متزوجها شمري ... والمفروض يشمله الشكر ... لأنه ربما هو من أمر القحطاني بنظم قصيدة شمر ,,

 

 

 

[منصور الشمري]

الضبعان صح لساانك

 

 

 

[طارش]

يعطيك العافية

 

 

 

[لاند كروزر]

وش هالشعر يالضبعان الله يهديك؟؟؟،،، اخذت قوافي القحطاني و استخدمتها كلها في قصيدتك،،،، وين الابداع الله يهديك؟؟؟.

يا الله على اي حال صح لسانك و مشكور على الجهد.

 

 

 

[(أبو خالد)]

السلام عليكم
كل الشكر للجنة الاعلامية بفضاء على هذا التميز المستمر
صح لسانك يالضبعان قصيدة جميلة تسلم اناملك التي سطرتها
تحياتي بعد حيي

 

 

 

[لاجــىء]

صح لسانك مجاراه جميله

 

 

 

[تـــم]

لله درك ياضبعان.
قصيده جميله ترتقي وتجاري حقيقة قصيدة الشاعر ناصر القحطاني لما تحمله من صور عدة وجميلة جداً تتفوق حقيقة ببعضها


قطب استدار الطيب يمـه ولوهاجـه
....... بوقت السّحر نورٍ تعلاّ وماء نمّـر*

قافية القحطاني من حرفين مما يصعب مهمة الرد ورغم ذلك نجد الضبعان أجاد بالرد حتى لو استعار من بعض الابيات قافية القحطاني
ولكن وضعها بصورة ولا أجمل وبصوره مغايره ومختلفه عن قصيده الاسناد:

النحل خلّى رحيق زهـور لانتاجـه
....... وخذا رحيقه من زهورك ولا ضمّـر

نسيم حايل حكى لحاتم عـن الحاجـه
........ ما ستغرب المضمون قحطان هم شمّر


ولا أدل على صعوبة القافية من رد الشاعر أحمد الجريفاني وهو المعروف بأنه اديب وشاعر وهذا الشبل من ذاك الأسد لم يتمكن من مجارات قافية الحرفين واكتفى بالحرف الواحد الأخير وهذا حق مشروع للشاعر ولا ينقص من قيمتها.

الناس فيهم كمـا البحريـن بمراجـه
...... ملحٍ أجاج وعـذب فيـه النّبـا ثمّـر

بفرات عذبك تحلّت شربـة الزاجـه
...... تشكر من الطفل إلين الشايب المعمّر



صور بديعة والقحطاني يستاهل الرد ونحن نردد له:

شمر و حايل لكـم بالذكـر لهّاجـه
....... الـدار دارك ودورك بـس تتـأمّـر

0000000000000000000000 تحياتي0

 

 

 

[زيـزوم]

السلام عليكم ,,,

بصراحه مجاراه رائعه لقصيدة ناصر القحطاني ..

وبقي ان انوه ان شاعرنا الكبير أحمد الجريفاني قام بالرد عليها وقد أضفتها ليلة أمس على هذا القسم ..

لكن الاداره العزيزه قامت بحذفها !!

ولا أعلم سبباً لذلك ...

واليكم النص الكامل لقصيدة الشاعر احمد الجريفاني ...

هلا بشهمً صدق في رسم منهاجه=هلا بمنهو تمثل في جبل شمر
هلا بمن تعجز القيفان لاحراجه=ومن حقه انه على القيفان يتأمر
وصل سلامك ولا يحتاج ديباجه=عمرت صرح الغلا ياعلك تعمر
نظمت عذرا تهبل في تغناجه=لو حاول احدٍ يجاري حسنها قصر
ياامير الاشعار يامن يحسده تاجه=اعذر محاكيك بالقيفان لو كرر
لو يمرض الجود نادوا فيك لعلاجه=تعطى البشاره لمن في جيتك بشر
ولوا يظلم الكون نورك يجلب افراجه=ماعاشرك في حياتك حييٍ وتكدر
يشهد لك الليل لامن ضوت ابراجه=ويشهد لك الحبر والاقلام والدفتر
والطيب يشهد لك انك صرت هداجه=نعم المراجل ونعم الاصل والمخبر
قحطان كنه محيطٍ تلطم امواجه=طوفان عارم اليا من الهوى زمجر
ولامن هدا الموج يهدي غالي انتاجه=الدر واللولو والمرجان والعنبر
مارامهم طامع الا يرجع ادراجه=الليث ماينقرب خص اليا كشر
نبراس عزٍ يسرك في توهاجه=من خلقة الكون حتى ساعة المحشر
يامن نظمت البيوت وقمت باخراجه=عسى حياتك سهود ولايجيك الشر
ماانت الذي يحسب بيوته على حاجه=حنا اهلك والجبل في مثلكم يفخر
ولاغابت الشمس محدٍ دور سراجه=قحطان ساطعٍ في جبل شمر